سياسة الخصوصية

آخر تحديث: 30 سبتمبر 2026

إذا لعبت بدون حساب

• الاسم اللي تكتبه في المجلس، وإجاباتك ونقاطك، تبقى في ذاكرة السيرفر مؤقتًا، وتنمسح تلقائيًا بعد 4 ساعات من آخر نشاط في الجلسة.
• بعض الإعدادات (مثل آخر اسم كتبته وصورتك الرمزية وأفضل نتيجة لك) تنحفظ في متصفحك أنت بس، وتقدر تمسحها من إعدادات المتصفح.
• نحفظ عنوان الـIP مؤقتًا في الذاكرة بس، عشان نمنع العبث والطلبات الكثيرة.

إذا سويت حساب

• إيميلك: يستخدمه نظام الدخول بس (نرسل لك عليه رمز الدخول). ما يطلع لأي أحد، وما نرسل لك عليه رسائل دعائية.
• الدخول بـ Google: ناخذ منه إيميلك واسمك بس. الاسم نقترحه عليك كلقب أول مرة، وما نحفظه.
• لقبك وصورتك الرمزية ورقمك التعريفي (ID): تطلع في التوب 10 وفي المجلس.
• إحصائياتك: عدد الألعاب، ومرات الفوز، ومجموع النقاط، وأعلى رقم في المليون.
• الأسئلة اللي شفتها: رقم السؤال بس، عشان ما يتكرر عليك.
• ملف تعريف ارتباط (Cookie) واحد يبقيك داخل حسابك 90 يوم. ما نستخدم كوكيز للإعلانات أو التتبع.

وين تنحفظ البيانات

السيرفر على Render، وقاعدة البيانات ونظام الدخول على Supabase، والاثنين في فرانكفورت (ألمانيا). الاتصال مشفّر، وقاعدة البيانات مقفولة وما يوصل لها إلا سيرفر بيرق.

حذف حسابك

من صفحة ملفك اضغط «حذف الحساب». ينمسح حسابك وإيميلك ولقبك وإحصائياتك وترتيبك فورًا ونهائيًا.

الصغار

بيرق لعبة عائلية. اللي عمره أقل من 13 سنة يسوي حساب بموافقة وليّ أمره، أو يلعب بدون حساب.

التغييرات

إذا غيّرنا هالسياسة، نحدّث التاريخ اللي فوق. وإذا كان التغيير كبير، نبيّنه في اللعبة.